Palatuntunan ng mga Gawain
Buwan ng Wikang Pambansa 2010
Agosto 1-7: Wika'y Kailangan sa Pandaigdigang Impormasyon sa Pangangalaga ng Kalikasan
- Pagdaraos ng Seminar-Worksyap sa lahat ng mga kinauukulan sa pagtalakay sa pangangalaga ng kalikasan na wikang Filipino ang gamit para sa epektibong talakayan.
- Pagdaraos ng mga diyalog sa pangunguna ng mga opisyal ng paaralan at ng mga baranggay/bayn o lungsod sa pagtutulongan sa pangangalaga ng kalikasan upang maiwasan ang sakunang dulot ng pagkawasak nito, na ang gagaminting wika ay Filipino.
- Pagdaraos ng Palatuntunan na ang tema ay nakatuon sa kalikasan.
- Ganap na paggamit ng Filipino sa mga komunikasyon at korespondensiya.
- Pagdaraos ng paligsahan sa pag-aayos ng silid-aralan na naghahatid ng mensahe tungkol sa kalikasan.
Agosto 8-14: Wika'y Instrumento sa Pagpapalaganap ng Kamalayan sa Pagbabago ng Kalikasan
- Pakikipanayam sa mga opisyal ng DENR kaugnay ng kanilang programa sa pangangalaga ng kalikasan.
- Pagpapalabas ng isang pelikulang dokumentaryo tungkol sa pinsalang hatid ng Climate Change (halimbawa, Bagyong Ondoy).
- Pagpapasulat ng pormal o di-pormal (elementarya at sekondarya) na sulatin at sanaysay (kolehiyo) tungkol sa paksa.
- Pagtatanghal ng dula-dulaan para sa pangangalaga ng kalikasan.
- Paghahanda ng slogan ng may kaugnay sa paksa.
Agosto 15-21: Wika'y Mabisang Susi sa Edukasyong Pangkalikasan
- Pagpapatala ng mga katawagang teknikal ng ginagamit sa pangangalaga ng kalikasan.
- Pagdaraos ng Patimpalak sa pagguhit na ang tema ay may kaugnayan sa pangangalaga ng Kaliksan.
- Pagsasatao ng ugnayan ng wika at kalikasan.
- Pagdaraos ng mga talakayan hinggil sa edukasyong pangkalikasan.
- Pagdaraos ng debate hinggil sa epekto ng industriyalisasyon sa kalikasan ng wikang Filipino ang gamit na midyum.
Agosto 22-28: Ang Pagpapahalaga sa Wika at Pangangalaga sa Kalikasan ay Pagmamahal sa Inang Bayan
- Pagtalakay sa klase sa kahalagahan ng wikang Filipino sa pag-unawa sa pagbabago ng kaliksan.
- Pagtuturo sa sambayanang Pilipino tungkol sa pagpapahalaga at pangangalaga ng kalikasan na wikang Filipino ang gamit.
- Pagbuo ng awiting Filipino tungkol sa pagpapahalaga at pangangalaga sa kalikasan bilang patunay ng pagmamahal sa bayan.
- Pagdaraos ng Patimpalak sa paggawa ng poster na naglalarawan ng Pilipinas noon at ngayon.
- Pagtataguyod ng Palatuntunan tungkol sa pagmamahal sa wika at kalikasan.
Agosto 29-31: Wika'y Kalikasan Mahalin at Pangalagaan, Biyaya ng Poong Maykapal sa Inang Bayan
- Pagdispley ng mga isnagawang patimpalak sa panahon ng pagdiriwang.
- Pagdaraos ng palatuntunan na nagpapakita ng iba't ibang konsepto ng pagmamahal sa bayan sa pamamagitan ng pagpapahalaga at pangangalaga sa wika at kalikasan.
- Pag-uulat sa iba't ibang gawaing isinagawa kaugnay ng pagdiriwang ng Buwan ng Wikang Pambansa 2010.
Source: DepED Memorandum Pangkagawaran Blg. 309, s. 2010 Buwan ng Wikang Pambansa
Posts
No comments:
Post a Comment